Chief Minister hovin thukhawm

Zonuna Kawlni /

Nimin khan Chief Minister Lalduhoma kaih-hruaiin Chief Minister's Charitable Trust Board of Trustees chuan CM Office-ah Annual Meeting an nei a, Chief Minister's Charitable Trust-ah hian Chief Minister Lalduhoma chu Settlor niin Secretary to Chief Minister Vanlaldina Fanai leh P&PI Secretary David Lalthantluanga te chu Ex-Officio Trustee an ni. Board of Trustees Annual Meeting hian kum kalta chhunga an sum dinhmun thlirin, Financial Year 2025-26 atana Trust Auditor tur leh Pro Bono Advisor tur an ruat a. Board Chief Executive Officer atan R. Lalrodingi leh Secretary atan Raymond Lalmuana te an ruat bakah Chief Minister's Charitable Trust chu Department, Society, NGOs leh mimal pawhin CSR dawnthleng atana an hman theih tura inhawn an remti bawk a. Rampawn atanga dan ang taka tanpuina (Donation) dawn theihna Foreign Contribution Regulation Act (FCRA) registration neih tha an ti a. Mizoram Corporate Social Responsibility Cell (CSR Cell) nena thawhdun theihna awm apianga thawh dun an remti bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »