New Serchhip Corps Salvation Army Biak In thar hawng

Zonuna Kawlni /

Salvation Army New Serchhip Corps Biak In sak thar chu nimin khan Salvation Army Territorial Commander Col. Lalbulliana chuan a hawng.
 Cheng Nuai 124 vel senga sak Salvation Army New Serchhip Corps Biak In hi Col. Lalbulliana hian hawngin Bialtu CO, Capt. Vanlaltharzuala kaihhruaiin a lawmna Inkhawm neih chhunzawm a ni a, he hunah hian CS Rengliana chuan Technical Report pein Maj. Lalsangliana, Lt. Col. Vanlalsawmthanga leh Col. Lalnunhlui te pawhin thu an sawi a, Serchhip Bial leh New Serchhip Corps Songster te an zai bakah YP leh Corps Cadet ten Timbrel Display an nei bawk a ni.

Nimin-a hawn tak Salvation Army New Serchhip Corps Biak In sa tur hian September 17, 2027 khan Commissioner Lalkiamlova chuan lungphum phumin a sak hna hi thawh tan a ni a, Biak In hi a dung ft. 70 leh a vang ft. 30-a zau niin Gallery nen mi 500 vel len theihna ni tura ruahman a ni a, a sakna atan hian Rs. 124,30,389/- sengin peihfel a nih hnuah nimin khan an hawng ta a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »