MHIP in Health Minister lawmpuina hun buatsaih

Zonuna Kawlni /

Mizo Hmeichhe Insuihkhawm Pawl (MHIP) General Headquarters chuan tun thla ni 11-a ‘Women Icon Award 2026’ dawngtu Health Minister Lalrinpuii lawmpuina hun an buatsaih.

Aizawl Treasury Square-a MHIP Office-a he hun hman hi MHIP President Lalliana chuan kai-hruaiin hmeichhe Minister viak tha leh hna chak Mizoram in a nei chu lawmawm a tih thu a sawi a. General Secretary Irene Lalruatkimi chuan Minister-in Mizoram tana a hna thawh that avanga chawimawina a dawng chu MHIP chuan chhuangin a lawmpui thu leh ram leh hnam tana ke a pen zelna turah duhsakna an hlan thu sawiin, chawimawina thuziak a hlan a ni.

February ni 11, 2026-a Achievers’ World, Indian Achievers’ Forum leh All India Business & Community Foundation (AIBCF)-te tangho in New Delhi-a an buatsaih ‘National Summit 2026 - Vikshit Bharat 2047 through Comprehensive Socio-Economic Development’ ah Health Minister Lalrinpuii hian ‘Women Icon Award 2026’ hi a dawng a. Nimin-a MHIP in an lawmpuina hunah hian Lalrinpuii chuan MHIP chungah lawmthu sawiin, Award a dawn dan chanchin a sawi a. A chanchin hriate’n Women Icon Award dawng turin a hming an lo rawtsak a, he Award buatsaihtute hian Bangalore-a hmeichhia leh mi harsate a lo tanpui thin dan te leh Mizo-ram-a hmeichhe Cabinet Minister hmasa ber a nih thu te lo hriain, a Department chante’n Viksit Bharat 2047 nena inrem takin Mizoram Universal Health Care Scheme hmanga mipuite hnena man pe lawk lo (cashless)-a Health Insurance an pek bakah ‘Ruang phurh’ policy hmanga mi retheite In lum ngeia an chhungte ruang an phurh thlensak chu ropui an ti a, India ram tana Mizoram chhunga a hnathawh chu chawimawi tlakah an ngai tih a sawi a. Heng bakah hian a enkawl Department a hmalakna te a tarlang bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »