Kum 2027-ah KMMTTP hman tan tum a ni

Union Minister Sarbananda Sonowal chuan India leh Myanmar inkalpawhna tur Kaladan Multi-Modal Transit Transport Project (KMMTTP) chu kum 2027 atangin hman tan a ni dawn tih a sawi.

Guwahati-a chanchinbumite a kawmna ah he thu hi sawiin Uion Minister Sarbananda Sonowa chuan hmarchhak bial hmasawn nan sawrkar laipui chuan nasa takin hma a la, a ti a, KMMTTP kawngpui, India leh Myanmar inkalpawhna tur chu kum 2027-ah hman tan a ni dawn tih sawiin, hei hian hmarchhak bial hrang hrang chu ramchhung hmun dangte nen awlsam zawka inpawhna a siam thei dawn thu leh Aizawl leh Kolkata inkar pawh km 700 laiin a tawi phah dawn tih sawiin, hmasawnna lian tak a thlen dawn a ni, a ti.

Union Minister chuan Myanmar-a Sittwe lawng chawlhna hmun peihfel anih tawh thu sawiin, a pumpuia KMMTTP Project chu kum 2027-ah peihfel vek a ni ang, a ti a. Tuipui atanga inkalpawhna hrang hranga hmasawnna a awm theih nan theihtawp chhuah a nih thu leh hmarchhak bial chu ramchhunga eizawnna hnar pawimawh tak, ramdang nena insum-dawn tawnna kawng pawimawh tak anih thu a sawi bawk.