‘I Kawtkaiah Sawrkar’ nei leh

Lunglei District Bawrhsap Office bultuma mipuite'n sawrkar hmalakna hrang hrangte an chhawr tangkai theih nan an khuaa kalchilha service hrang hrang chhawp chhuahsakna, ‘I Kawtkai-ah Sawrkar’ (Prashasan Gaon Ki Ore) chu a thawh thum nan Inrinni khan Tlabung RD Block chhung Nunsury-I khua leh a chhehvel khuate tan Nunsury-I ah buatsaih leh a ni a, Office hrang hrang 7 leh Bank te chu mipuite dawr theih tura inphochhuakin Aadhaar 72, MGNREGS Job Card 40, Voter ID card 31 leh ST/Residential Certificate 19 dilna dawn leh buaipui niin, sawrkar scheme hrang hranga inziahluhna hun hawnah PM KISAN-ah 70 leh PMSBY leh PMJJBY-ah dilna 10 dawn a ni a. Damlo inentir mi 72 awmin, ran damlo entir leh hri danna pek 38 an awm bawk. Heng bakah hian PHE te'n tuizem (syntex) semin, tui renchem leh ruahtui khawl chungchang inzirtirna an buatsaih bakah, BDO Office atangin DDUGKY chungchang inzirtirna buatsaih a ni bawk a. Heng service hrang hrang chhawpchhuah te hi mi 500 velin an chhawr tangkai a ni.