Lokayukta Report thehlut

Mizoram Lokayukta chuan nimin khan Larsap General (Dr) Vijay Kumar Singh-a hnenah ‘Mizoram Lokayukta Sixth Annual Report 2024-2025’ an hlan a, hei hian April ni 1, 2024 leh March ni 31, 2025 inkar huamin Mizoram Legislative Assembly thutkhawmah pharh a ni ang. Mizoram Lokayukta Sixth Annual report-in a tarlan danin kum 2024-2025 chhung khan Mizoram Lokayukta hnuaiah eiruk thubuai 20 ziahluh niin heng zinga 6 te hi preliminary inquiry tura thawn a ni a. hemi hun chhung vek hian preliminary inquiry report 8 dawn a ni a, thubuai 5 chinfel niin, thubuai 1 ah mi 2 te thiamloh chantir an ni.