India Republic Day hman dan tur ruahman a ni

Zonuna Kawlni /

Tun thla ni 26-a India Republic Day lo thleng tur chu Serchhip-ah pawh urhsun takin hman leh tura ruahman a ni.
 Serchhip-a India Republic Day hman dan tur ngaihtuah hian nimin khan Serchhip DC Pisapui Hall-ah Bawhsap Paul L. Khuma hovin sawrkar mi pawimawh leh khawtlang hruaitute an thukhawm a, ruahmanna an siam dan chuan Republic Day lawmna hi Serchhip Sports Complex-ah chawhma dar 10:00-ah neih a ni anga, Serchhip Bawrhsap chu khuallian a ni ang. Parade Contingent tel tur School te chu DEO atanga ruahmanna siam a ni anga, 42 Assam Rifles Pipe Band leh LFCS Band Party te tel thei tura beisei an ni a, January 22 atanga January 24, 2026, ni thum chhung Rehearsal neih tur a ni ang.

Republic Day-ah hian Sawrkar Building zawng zawngah Hnam puanzar (national flag) zar vek tur niin he ni denchhen hian Home hrang hrang bakah Hospital leh District Jail-ah te thilpek hlan a ni anga, a lawmna hunah hian Sawrkar Department hrang hrang hotute leh thawktute tel vek tura tih a ni bawk.

Nimin-a thutkhawm ah hian Serchhip District chhunga sawrkar Department hrang hrang hotute bakah Assam Rifles, BSF, khawtlang hruai-tute leh tlawmngai pawl aiawhte telin Bawrhsap chuan Republic Day lawmna hlawhtling taka hman a nih theih nan mawhphurhna nei zawng zawngte chu ngaipawimawh theuh turin a ngen a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »