National Pollution Control Day

Nimin Dec. 2, 2025 khan Mizoram Pollution Control Board (MPCB) hnuaia Environment Education Programme (EEP) chuan ‘National Pollution Control Day’ denchhenin Online Competition hrang hrang a buatsaih a, Primary leh Middle School chin tân Online Poster Making Competition buatsaihin ‘Stop Pollution, Save Earth’ tih leh ‘Pollution: The Silent Killer’ tih chu thupui atan hman a ni a. Primary Level-ah zirlai 107 telin Middle School Level-ah zirlai 101 an tel bawk. Poster siam tha zual panga (5) thlan niin lâwmman leh e-certificate pêk an ni. Hei bakah hian High School leh a chunglam tân leh College Level tân Online Quiz Competition buatsaih a ni bawk a, Thupui atan ‘Environmental Pollution’ tih hmangin Quiz hi Google Form hmanga chhan a ni a, naktuk ah result puan a ni ang.

National Pollution Control Day hi December 2-ah India ramah hman thin a ni a, he ni hi Bhopal Gas Tragedy an tih mai, December 2 leh 3, 1984-a chhiatna thleng hriatreng nân leh Pollution chungchâng inzirtirna atan hman thin a ni.