Mizoram-ah School 4316 a awm mek niin chhinchhiah

Mizoram sawrkar chhinchhiah danin Mizoram chhungah School 4316 a awm mek.

Mizoram sawrkar School Education Department chhinchhiah danin Mizoram-a zirna In hrang hrang awm nia chhinchhiah zingah hian Primary School tam berin 1922 a awm a, Middle School in dawtin 1477 a awm a, High School 713 bakah Higher Secondary School 206 a awm bawk a ni.

Mizoram-a District hrang hrang zingah Aizawl District-ah School tamna ber District niin School 1026 zet a awm a, Mamit District-ah School 392 awmin, Kolasib District-ah 306, Champhai District-ah 309, Serchhip District-ah 253, Lunglei District-ah 595, Lawngtlai District-ah 620, Siaha District-ah 276, Khawzawl District-ah 238, Saitual District-ah 161 leh Hnahthial District-ah 142-a a awm mek bawk a ni.