Watershed Mahotsav hawng

Rural Development & Administration Department changtu Minister Prof. Lalnilawma chuan nimin khan a Pisa-ah Watershed hmalakna kawnga sawrkar leh mipuite thawhhona chak lehzuala kalpuina tur, Watershed Mahotsav chu a hawng a, Watershed Mahotsav hi rampum huapa hmalakna niin November 11 khan sawrkar laipui a Rural Development Department Minister in a lo hawng tawh a, State tin ah a hawnna nei tura tih a ni angin Mizoram-ah chuan nimin khan a hawnna hi neih a ni. He huna tarlan a nih danin India ramah WDC-PMKSY 2.0 chu kum 2021-2022-ah bul tan a ni a. Mizoram-ah Project 20 kalpui mek niin khaw 52 a tuam mek a. Kum 5 chhunga hmalakna tur Project niin March 2026-ah he Project kal lai hi tawp tura ruahman a ni. WDC-PMKSY hnuaiah tuihna humhalh leh siamthar nasa taka kalpui niin Mizoram-ah pawh tuihna 1465-ah hmalaka siamthar mek a ni a. Water Harvesting Structure pawh 2081 siam niin heng bakah hian hmalakna hrang hrang kalpui a ni.