Cooperative Week hmang

All India Cooperative Week vawi 72-na chu nimin khan Aizawl-a Vanapa Hall-ah hman niin Chief Minister Lalduhoma chuan khuallian niin a hmanpui a, Member-ten hlawkna an hmuh tlan theih nana inthuruala hmalakna, inlaichinna tha tak nei chunga thawhhona chu Cooperative nihphung chu a nih thu sawiin, “Kan pi leh pute hun ata khaw-sakho thiam tak, thawhho thiam, mimal tana hna harsa leh lian tham tinreng hnatlanga thawk thin kan ni. Kan eizawnna lamah pawh Cooperative kaltlangin kan thawkho thei ang tih hi rinhlelh tur a awm lova. Hmakhaw eng tak kan nei zawk a ni,” a ti. Kum 1954 atang khan All India Cooperative Week hi kumtin Nov. 14-20 chhungin hman thin a ni a. Cooperative movement tih chak lehzual nana buatsaih a ni. Nimin-a he hun hman hi Registrar of Cooperative Societies John LT. Sanga chuan kaihruaiin Cooperation Minister PC. Vanlalruata apwhin a hmanpui a ni.