RAD hnuaia hmathatna dawng tur ten training nei

Nimin khan Hnahthial-ah Rainfed Area Development (RAD) hnuaia hamthatna dawngtute tan training buatsaih a ni a, RAD hi sawrkar laipui Scheme niin ruahtui ringa kuthnathawktuten khuarel chhiatna hrang hrang avanga hlawhchhamna an lo tawh palh pawha sum lakluhna peng dang an lo neih ve theih nana duan a ni a. A theih ang anga scheme hrang hrang nena kalkawptir tum niin thlai chin emaw, ranvulh emaw thlan tur niin Trade pali (4)- khuai khawi (Apiculture), Fisheries, Silage (ranchaw siam) leh Vermicompost (changpat hmanga leitha siam) zinga pahnih (2) tal thlan tel a tul bawk a. Tun tumah hian mi 110 vel telin mi pakhat tan Rs. 30,000/- theuh Direct Benefit Transfer (DBT) hmanga hlan an ni ang.