Keitum khaw mi tui-ah a ruang hmuh a ni

Serchhip District chhung Keitum khuaa cheng Kapngenga (74) chu nimin khan an Thlam hnuaia tui-ah thi-a hmuh niin tui-ah a tlahlum nia rin a ni.
    Keitum khua atanga thudawn danin Keitum Field Veng-a cheng Kapngenga hi niminpiah khan ram ah kalin nizan hmasa khan a haw loh avangin nimin zing khan a chhungten an zawng a, khua atanga KM 5 vela hla an huan Thlam hnuaiah a ruang hi an hmu a ni. Kapngenga te Thlam hnuaiah hian Fuanlui a luang a, an Thlam hi a chhiat tawh deuh bakah kumin a Fur tuilian in a hrut bawk avangin chim lek lekin a awm a, Thlam luhkha hi Kapngenga hian rap chhe palhin a hnuaia Fuanlui-ah hian tlain a boral phah ta nia rin a ni. Kapngenga ruang hi mi tlawmngai ten an In-ah lain nimin vek khan vuiliam nghal a ni.