PHE Minister in kawng laih mek a hmunah a enfiah

Zonuna Kawlni /

Public Health Engineering (PHE) Department changtu Minister Prof. Lalnilawma chuan nimin khan Aizawl khawpui pumpelhna (by-pass Road) tur, Muallungthu atanga Sihhmui inkar kawng laih mek chu a hmunah kalin a endik a. Leivung ten Aizawl khawpui chawmtu lui tuite a tih bawlhhlawh lohna tur leh nghawng tha lo a awm lohna tura hma la turin hnathawktute a chah a. Hemi chungchanga hmalakna kal mek leh harsatna hrang hrang awm theite sawiho a nih hnuin, hnathawhte vilzui tur leh enkawlzuitu tur Committee, Line Department hrang hrangte leh NGO te telna din tura rel a ni. Minister chuan, he kawng laih hna thawk tura rawih, R.G Buildwell Engineers Ltd. hotute chu an hnathawhnaah environment tichhe tam lo zawnga fimkhur tur leh leivungte pawh a paihna tur hmun dik tak (spoil bank) ah ngei paih thin turin a hrilh bawk.

Aizawl Western By-pass road laih mek hi PM-DevINE hnuaia hmalakna niin Km 46-a thui a ni a. Muallungthu khaw dai atanga peng tanin Sihhmui a pawh dawn a ni. He kawng hi Mizoram chhimlam atanga Rel-a zin turte leh bungraw phur lirtheite tan Aizawl khawpui tawt paltlang ngai lova chaklakna kawng pawimawh tak tur a ni dawn a ni.

PHE Minister hian Samtlang leh Lungleng inkara By-pass road-in a paltlang tur hmunte leh Maubawk te a tlawh nghal bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »