Mizoram-a Rel rawn lut in nghawng a neih hrang hrang Home Minister hovin thlirho a ni

Zonuna Kawlni /

Mizoram-a Rel rawn lut in nghawng hrang hrang a neih te chu nimin khan Home Minister K. Sapdanga hovin sawiho a ni a, ILP pekchhuah tawh dan leh an kalpui dan te thlirho a nih bakah Government Railway Police din a nih chungchang te pawh sawiho a ni bawk.

Home Minister Pisa-a nimin-a thutkhawm ah hian Sairang Rel Station-a Inner Line Permit (ILP) pekchhuah a nih dan leh Rel Station-ah te hian documents nei fello chunga luh ruk kawng awm thei te thlirho niin Kolasib SP, David H. Lalthangliana chuan Kolasib District chhunga ILP pekchhuah a nih dan report a pe a. ILP pekchhuah buaipui tur hian Bairabi-ah mi 8, Hortoki-ah mi 2, Kawnpui-ah mi 2 leh Mualkhang-ah mi 2 duty dah an nih thu a sawi a. Kolasib chhunga Rel Station-ah bik hian ILP 38 pekchhuah a nih tawh thu leh Sairang thlenga Rel service a awm hnu atangin Vairengte a ILP pekchhuah leh Inter-State Sumo Service chu 30%-40% vel laiin a tlahniam niin an hriat thu a sawi bawk.

Aizawl District-a Addl. SP Lalringliana Pachuau pawhin Sairang Rel Station-a ILP pekchhuah dan tarlangin, Rel Station hawn tirh, September 13, 2025 atangin Counter pali (4) siam a nih thu leh a tirah Police pariat (8) duty dah niin tunah hian paruk (6) dah belh leh an ni tawh tih a sawi a. October 10, 2025 thleng khan ILP 4,064 pekchhuah tawh niin Kutdawh pali (4) leh ILP nei lova Mizoram lo lut mi pali (4) man chhuah niin heng mite hi thawnlet leh an ni a. Hei bakah hian Sairang Zero-Point ah a khat tawkin ILP surprise checking neih thin a nih thu a sawi bawk.

He Meeting hian Rel Station-a ILP pekchhuah dan leh hmasawn zel ngaihna lai te an ngaihtuah bakah Government Railway Police din a nih chungchang pawh an sawiho a. Tourist ILP neite chu Tourism Department-a an in report dan tur pawh ruahmanna siam a ni a. Home Minister leh Chief Secretary hovin Sairang Rel Station chu Mizorama passenger lo thlen tam ber, Guwahati – Sairang service a lo thlen hunah tlawh nise tiin a hun atan October 14 an ruat bawk.

Nimin-a thutkhawm ah hian Chief Secretary Khilli Ram Meena, IGP (Headquarters) H. Ramthlengliana, Home Secretary Vanlalmawia Renthlei, Transport Department Secretary Zosangliana te bakah Aizawl leh Kolasib District-a sawrkar Official pawimawh te an tel a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »