Lungsen PHC-ah zan lama damlo enkawl theih loh

Lungsen Primary Health Centre (PHC)-a thawktu thenkhat chu an hlawh tur sum hmuhna a tawp avanga chawlhtir an nih avangin he Damdawi In-ah hian zan lamah damlo enkawl theih an ni dawn rih lo.

Hemi chungchanga Lungsen PHC-a Medical Officer thuchhuah tarlan danin, Internal Performance Agreement (IPA) atana Sawrkar laipui atanga pawisa hmuh thin chu tihtawp a nih tak avangin he sum hmanga Lungsen PHC-a thawk tura rawih Group D hnathawk mi 6-te pawh chawlhtir an ni a, hetiang dinhmuna an din tak avang hian Lungsen PHC-ah damlo enkawl tur dahluh a theih rih loh bakah zan lam damlo enkawlna pek pawh tihtawp lailawk rih a nih thu tarlan a ni. Tun dinhmunah Lungsen PHC-ah hian thawktu 12 awm mekin, an indaihlohna zualpui a reh hunah damlo an enkawl dan pangngai anga kal chhoh leh an tum tih Medical Officer thuchhuah ah hian tarlan a ni bawk.

Hetihlai hian thulakna pakhat chuan IPA tihtawp hi khaw hrang hrangte pawhin an tuar nasa hle thei dawn niin a tarlang bawk.