HIV hrik kai mi 31 hmu tawh
ICTC Serchhip atanga LENKAWL in thu a dawn danin sawrkar kum kal mek kumin April thla atanga September thla tawp thleng hian ICTC Serchhip-ah hian mi 1328 te thisen enfiah ni tawhin heng atang hian HIV hrik kai mi 31 hmuh an ni tawh a, thisen enfiah atanga chhutin za zela 2.33 te chuan HIV an kai ang a ni. HIV hrik kai hmuhchhuah mi 31 zinga 27 te hi mi nawlpui enfiah atanga kai an ni a, mi nawlpui-ah hian thisen enfiah mi 1019 an awm a, Nu nau pai mi 309 te enfiah atangin HIV kai mi 4 hmuh an ni bawk.
Kumin April thla khan mi nawlpui-ah mi 188 te thisen enfiah atangin HIV hrik kai mi 3 hmuh an ni a, May thla ah thisen enfiah 150 awmin mi 2 in HIV hrik an kai a, June thla ah mi 155 te enfiah lehin HIV hrik kai mi 7 lai hmuh an ni a, July thlaa mi 166 enfiah ah mi 6; August thlaa mi 156 enfiah ah mi 4 leh September thlaa mi 204 enfiah ah HIV kai mi 5 hmuh an ni.
Kumin April thla khan nu naupai mi 45 enfiah niin May thla ah mi 50 leh June thla ah mi 38 enfiahin HIV hrik kai mi pakhat theuh hmuh an ni a, August thla ah mi 86 enfiahin mi pakhat bawk hmuh niin July thla ah mi 49 leh September thla ah mi 41 enfiah awmin HIV kai hmuh an awm lo thung a ni.
Comments
Post a Comment
I ngaihdan i sawi hian mipui ngaihdan i tarlang a ni!