FCCA 2023 vangin ‘Candle Light Vigil’ neih a ni dawn

Joint Civil Society of Mizoram (JCM) hruaitute chuan nimin khan Aizawl Press Club-ah thuthar thehdarhttute kawmin Forest Conservation Amendment Act (FCAA) 2023-a adopt-na sût tura Mizoram sawrkar an ngenna leh Article 371-G chawinunna atan zanin, October ni 17, 2025 hian ‘Candle Light Vigil’ an neih dawn thu leh a huho emaw, chhungkua anga nei ve theuh turin Mizoram mipui an ngen tih an sawi a. JMC aiawh Lalrammawia chuan, FCAA 2023 hì a nih ang anga Mizoram sawrkarin a pawm chu Mizoram mipuite tan a him lo nia sawiin, sut leh ngei tura roreltute an ngenna ah an la din reng thu a sawi a; ram rorelna In sang-ah sût leh anih theih nan hmalak zel an tum thu sawiin, mipui tawiawmna an mamawh dawn thu a sawi a. Candle Light Vigil hi District khawpui bakah khua leh veng tinah a theih leh remchan dan anga hun lo hmang theuh turin mitin an ngen tih a sawi bawk.