PM zin turah inbuatsaih mek

Karleh Inrinni, September 13-a Prime Minister Narendra Modi-a’n Mizoram a rawn tlawh turah inbuatsaihna chak taka kalpui niin nimin khan Sawrkar department hrang hrangte thil pawimawh sawiin an thukhawm a. He hunah hian venhimna hrang hrang bakah Prime Minister in hun a hmanna tur Lammual-a venhimna kenkawh dan tur leh mipui punkhawmna hmuna felfai taka ruahmanna a kal theih nan thil pawimawh hrang hrang sawiho a ni a, Security pass nei te chauh luh phah an nih dawn bakah uluk taka venhimna kalpui a ni dawn a ni. Thutkhawma tarlan danin Sairang Railway Station pawh Railway thuneituten engkim peihfel tumin chak takin hma an la a, Union Minister of Railways leh Information & Broadcasting changtu Ashwini Vaishnaw chu a hma ni chiah, September ni 12 ah alo thlen dawn thu tarlan a ni.