LENKAWL ADS (Computer zir duh tan 6) :

Naktuk August 15, 2025-a India Independence Day lawmna neih tur atan inbuatsaihna peihfel a ni tawh a, Serchhip-ah chuan zing dar 10:00-ah Independence Day hi lawm a ni ang.
India Independence Day lawmna hi Serchhip Sports Complex-ah neih tura ruahman niin FCS&CA Minister B. Lalchhanzova chu khuallian a ni anga, India Hnam Puanzar a pawhparh dawn bakah Parade Contingent te Chibai buk chhangletin mipuite hnenah thuchah a sawi bawk anga. Chhun dar 12:30-ah sawm bik te tan DC’s Bungalow-ah thingpui ruai buatsaih a ni bawk ang.

Vawiin-a India Independence Day lawmna hi District hrang hrangah sawrkar mi pawimawh ten hmanpuiin India Hnam Puanzar an pawtparh anga, Chief Minister Lalduhoma chuan Aizawl-ah he ni hi hmanpuiin Home Minister K. Sapdanga chuan Lunglei-ah a hmanpui anga, Health Minister Lalrinpuii’n Siaha-ah a hmanpui bakah EF&CC Minister Lalthansanga chuan Champhai-ah he ni hi a hmanpui dawn bawk a ni. PWD Minister Vanlalhlana chuan Kolasib-ah India Independence Day hi hmanpuiin RD Minister Prof. Lalnilawma chuan Lawngtlai-ah a hmanpui anga, AH & Vety Minister C. Lalsawivunga chuan Mamit-ah hman-puiin P&E Minister F. Rodingliana’n Saitual leh Agriculture Minister PC. Vanlalruata’n Khawzawl-ah hmanpuiin Education Minister Dr. Vanlalthlana chuan Hnahthial-ah a hmanpui ang.