Haemodialysis Centre hawng

Health Minister Lalrinpuii chuan nimin khan District Hospital, Siaha-ah Haemodialysis Centre a hawng a, khum 4 awmna Dialysis Centre hawn a ni chu lawmawm a tih thu sawiin, Mizo-ram-ah Dialysis mamawh thahnem tak an awm a, Kal thalo enkawlna khawl pawimawh tak, Haemodialysis Unit hlawhtling taka bun a nih theih nana rilru leh ngaihtuahna sengtu District Hospital-a thawktute chungah lawmthu a sawi a sawi bawk. Nimin a hawn tak Haemodialysis Centre-a khawlte hi Indian Oil Cooperation Ltd leh Fairfax CSR sum atanga dawn a ni a, cheng nuai 15 man RO plant erawh National Health Mission atanga dawn a ni thung. Room chhung Plumbing, Wiring leh thildangte chu NHM atanga dawn niin a chhunga khum 4 te chu DHME atanga dawn a ni thung a ni.