Sairang-a Rel lo lut tur chungchang lo thlirho

Mizoram Merchant Association (MIMA) leh Sihhmui-a tlawmngai pawl hrang hrangte chuan Sairang-a Rel lo lut tur chungchang ah Joint Meeting an nei. MIMA General Hqrs. a OB te leh Sihhmui VC, YMA, MHIP leh MUP te Joint Meeting hi niminpiah khan Sihhmui VCP In-ah neih Sairang Rel Station, Sihhmui-a Rel lo lut mai tur chungchang thlirlawkna neiin engtianga lo dawnsawn chi nge ni ang tih te an sawiho a, Mizo hnam himna kawngte sawihoin, Sihhmui VC leh All NGO te hma lo lak tawh dan te ngaihthlak a nih bakah an hmalakna leh lo inpuahchah tawh dan te ngaihthlak a ni bawk.

He thutkhawm a tel te hian Sihhmui VC leh NGO te hma lo lak tawhna bawhzuina ni pah fawma Joint Resolution siamin ILP Check Point/Gate Bairabi a awm chu changtlung zawk, felfai leh khauh taka enkawl nise tiin, Sairang Sihhmui Rail Station-ah pawh ILP Check Point siam a, fel fai leh khauh taka enkawl ni rawh se tiin hei hi sawrkar-ah thlen nise an ti a. In hmun lo ram te hnamdang hnenah hralh loh ni rawh se an tih bakah Sihhmui ramchhunga hmun hran atanga ram nei te pawhin hnamdang hnenah hralh loh ni rawh se an ti a. Mizo hming hawha hnamdang sumdawng/dawrkai awm phal loh nise an tih bakah ‘Mutria ten rate mumal leh fel zawka hna an thawh theih nan sawrkarah hma lak ni rawh se’ an ti bawk.