Dy. Speaker in School tlawh

Mizoram Legislative Assembly Deputy Speaker leh Kolasib Bialtu MLA Lalfamkima chuan nimin khan a Bial chhung Kolasib a Zirna In te tlawhin an dinhmun a enfiah a, Zirtirtu ten an zirlai naupangte an enkawl that leh that loh enin, Class room a fan bakah zirlai naupang te a kawm a, Zirtirtute chu an School in harsatna an tawh dan leh an dinhmun te zawtin, a hnena sawi duh an neih te a ngaihthlak sak bawk. Kolasib Bialtu MLA chuan Cyclone Remal avangin Kolasib District chhunga School hrang hrang 68 laiin harsatna an tawk tih sawiin, heng School te hian sawrkar atanga tanpuina an dawn thu leh an sum dawn te chu tam tham lo mahse tha tak leh tangkai taka hmang turin a chah bawk.