Zanin-ah Serchhip-ah Blackout Mock Drill nei dawn

Zonuna Kawlni /

Serchhip District Civil Defence Committee thuchhuak angin zanin dar 8:30 hian Serchhip Town chhungah ‘Blackout Mock drill’ neih a ni dawn.
 Tunlaia India leh Pakistan boruak tha lo vanga lo inbuatsaihna atan Serchhip District Civil Defence Committee chuan zanin (May ni 15, 2025) zan dar 8:30 atanga zan dar 8:35 chhung hian Serchhip Town Area-ah ‘Blackout Mock drill’ nei tur hian ruahmanna a siam a, ruahmanna siam a nih danin zanin dar 8:29 atangin minute khat (1) chhung Veng tina Information Centre atangin Siren tih rik a ni anga, zan dar 8:30 atanga dar 8:35 chhung hian Serchhip Town Area-ah Civil Defence Blackout drill neih tur a ni ang.

Blackout chhungin Eng (light) zawng zawng tih thim tur niin Solar/Inverter/power backup nei te pawhin off vek tur a ni a, Eng pe chhuak thei thil dang engmah hman loh tur a ni a. Blackout chhung hian Motor tlan lai te pawh tidingin, motor light leh engine te off vek tur a ni bawk a. He Blackout hi tha taka zawm turin mipuite chu ngen leh hriattir an ni. Rikrum thil ah District Emergency Operation Centre be duh tan engtik lai pawhin Phone No. 9862116104/8119978919, 1077(Toll Free)-ah te hian biak theih reng an ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »