Vibrant Village Programme-II chungchang sawipui

Rural Development Minister Prof. Lalnilawma chuan Zirtawpni tlai khan New Delhi-ah Ministry of Home Affairs hotute dawrin Vibrant Village Programme-II (VVP-II) chungchang a sawipui.

RD Minister hian Vibrant Village Programme-II (VVP-II) chungchang hi Ministry of Home Affairs-a Border Management changtu Secretary Dr. Rajendra Kumar chu a sawipui a, Border Area Development Program (BADP) thlaktu tur Village Vibrant Programme-II chu Mizoram leh Hmarchhak State ten a rang lama kan hman tangkai theih nan kaihhruaina chhuah vat a tul thu a hrilh a. Mizoram chhunga khaw tam tak, tuna VVP-II a la tel lo khua, tel thei si te chu a tahtawl a telh zel nise tiin a thlen bawk a ni.

Border Management Secretary hian VVP-II chu peih a nih veleh a Sanction Order pawh Ministry lam an in peih thu sawiin, State Sawrkar in sum an dawn te hmang zo vat thin turin a lo chah a. VVP-II hnuaia thingtlang khua la telh ve loh te pawh Budget te hman phawt anih hnuah ennawn theih a ni ang tih a lo hrilh bawk a ni.