Serchhip District-ah ‘Blackout Mock drill’ neih a ni

Nizan khan Serchhip khawpui chhungah ‘Blackout Mock drill’ chu hlawhtling taka neih a ni a, mipuite pawhin an zawm thaa thawkhat viau a ni. 
Tunlaia India leh Pakistan boruak tha lo vanga lo inbuatsaihna atan Serchhip District Civil Defence Committee in ruahmanna an siam angin ‘Blackout Mock drill’ hi Serchhip Town chhungah neih a ni a, ruahman lawk angin zan dar 8:29-ah YMA Branch hrang hranga Information Centre atangin Siren tihrik niin zan dar 8:30-ah P&E Department in khawoui chhunga Eng pek an titawp a, mipui ten In lama Eng (light) pechhuak thei Solar/Inverter/power backup an neih te Off bawkin Motor tlan lai te pawh tidingin, motor light leh engine te Off a ni bawk a, Solar Street  Light te pawh khuhin zan dar 8:35-ah dan pangngai angin Eng te hi pekchhuah chhunzawm a ni a. He Blackout Mock drill hi Serchhip mipui ten an zawm tha thawkhat viau niin a lang a, khawlaia mipui chhuakvak pawh an tlem hle a ni.

Nizan vek khan Civil Defence Mock Drill chu neih nghal a ni a, he hunah hian Van chung sang atangin thlawhna in IOC petrol pump chu rawn kapin, kangmei nasa tak chhuak anga lemchan a ni bawk a, he hunah hian Team hrang hrang insiamin Search & Rescue Team ah hian Serchhip District QRT te, Fire & Emergency Service te, Police te, Assam Rifles leh BSF te an che chhuak bawk a. Damdawi In atanga Ambulance te kalin thi leh hliam tuar lema chang te an phurchhuak bawk a, he Mock Drill hi hlawhtling taka neih niin heng Mock Drill neih hi District thuneitute pawhin a hmunah an enfiah bawk a ni.

Blackout Mock drill hi Serchhip Town chhunga neih tura ruahman ni mah se Serchhip District chhunga khaw dangah te pawh hlawh-tling taka neih a ni bawk a, thudawn danin North Vanlaiphai-ah leh East Lungdar-ah te pawh he Mock Drill hi neiin Bungtlang khua ah pawh an nei nia thudawn a ni bawk.