PTS Principal in hna zawm

Mizoram sawrkar in Police Training School (PTS) Thenzawl-a Principal hna chelh tura a ruat Lalthakima MPS chuan nimin khan a hna thar hi a zawm a, Mualvum-a 1st IR Batallion Commandant hna a chelh mek atangin a rawn insawn a ni.
PTS Principal thar hian amah lo dawngsawngtu a thawhpui tharte nen inkawmin an hmachhawp leh hmalakna te an sawiho nghal a, theihtawp chhuaha tha taka thawk tlang turin an inchah a ni. Mizoram Police Service (MPS) 2011 Batch Lalthakima hian Mizoram chhung hmun hrang hrangah post pawimawh tak tak a lo chelh tawh thin a ni.

Mizoram-ah kum 1973 khan Police Training Centre (PTC) chu 1st Batallion Mizo-ram Armed Police, Lungverh, Sakawrtuichhun-ah bultan a ni a, kum 1986 khan dan hmanga felfai zawka sawhngheh a ni. Kum 2011 khan Thenzawl, Serchhip District-a ram bigha 1229.99 a zau ah sawn niin Training Centre puitlinga puan a ni a, kum 2012 khan Training School puitlinga hlankai a ni. Tun thlengin PTS atang hian mi 16,213 in in an zirchhuak tawh a ni.