Dan lova Kuhva ro tlawhruk tum nia hriat man a ni

Vairengte Kuhva Society hruaitute chuan nimin tlai khan dan lova kuhva ro tawlhruk tum ni ngeia hriat Truck pali hmanga phurh an endik a, lirthei khalhtute hi an tlanbo nghal nia hriat a ni.

Lirthei te hi Champhai District-a registration vek a ni a, Truck pali te hi tun thla ni 10 zingkar a Vairengte Checkgate paltlang tum nia hriat niin Police Checkgate an thlen hmain Vairengte dai-a Taxation Data Entry Centre-ah din tir an ni a, motor khalhtu te hi an tlanbo nia hriat a ni a, Vairengte Police hriattir nghal an ni.

Vairengte Kuhva Society hruaitute sawi danin sawrkarin Kuhva ro tawlh khapna thupek a chhuah reng chung pawhin tunlai hian a rukin Kuhva ro tawlh hi a kal reng niin an sawi a, tun tuma Truck pali ngawt Vairengte Checkgate paltlang tum man anih avang pawh hian a chiang hle niin an sawi a, hemi kawngah hian sawrkar pawhin nasa lehzuala tan lak a ngai nia an hriat thu an sawi bawk.