Serchhip-ah Lok Adalat thutkhawm neih leh a ni
Inrinni khan ramchhung hmun hrang hrangah Lok Adalat hi thut leh niin Serchhip-ah pawh District Court-ah Bench pahnih an thu leh a, heng ah hian thubuai 50 ngaihtuah tura chhawpchhuah niin thubuai 31 ah te chuan inremna siam a ni a, Settlement Amount chu Rs. 23,36,421/- a ni. Tun tumah hian Bank Loan rulh loh kaihhnawih ah thubuai 9 ngaihtuah niin 8-ah inremna siam a ni a, thubuai dang ah 41 chhawpchhuah niin 23-ah inremna siam a ni bawk.
Rampum-a tun tuma Lok Adalat thut-khawm hi Mizoram-ah pawh Mizoram State Legal Services Authority kaihhruaiin District tinah Lok Adalat neih a ni a, Mizoram pumah thubuai 1991 ngaihtuah niin heng zinga thubuai 275 chu chinfel a ni a, thubuai chinfel hlut zawng hi cheng vbc. 5.50 vel a ni. Lok Adalat-ah hian thubuai chi hrang hrang- pawisa inpuk chungchang te, chhungkaw harsatna te, loan rulh that loh chung-chang te, telephone bill chungchang te, hnathawh hlawh chungchang te bakah thubuai dangte ngaihtuah a ni.
Comments
Post a Comment