Keitum-I FC te an Champion
Tun thla ni 17 atang khelh ‘Zonuntluanga Memorial Football Tournament Running Trophy’ hi nimin khan Final hi khelh niin Keitum FC-I leh Zorempuia FC, Hualtu te an inhmachhawn a, Zorempuia FC player Lawma chuan an lama goal a tihluh hnuah Keitum FC-I tan Rinpuia chuan goal khat a khung a, Zorempuia FC lam tan Biaktluanga chuan goal khat rawn khung mah se an si phurh an sut zawh theih loh avangin Keitum-I FC hi 2-1 in an chak ta a ni.
He Tournament-a Champion Keitum-I FC hian lawmman ah Trophy, Medal leh Rs. 25,000/- dawngin pahnihna hian Trophy, Medal leh Rs. 15,000/- an dawng a. Semi Final-a chak lo Dream Lover leh Central Jail Veng ten Rs. 1000/- ve ve an dawng bawk. Keitum FC-I player Lalbiaktluanga chu Best Player-ah thlan niin Zorempuia FC Goalkeeper VL. Ruata chu Best Goalkeeper atan thlan a ni bawk a, Venghlun FC Chhingchhip player Zonunsanga chuan goal 5 khungin Top Scorer a ni bawk.
Games & Sports Association, Hualtu khua in an buatsaih ‘Zonuntluanga Memorial Football Tournament’ hi tun thla ni 17 khan Hualtu Playground-ah khelh tan niin Mizoram Rajya Sabha MP lo ni tawh, Ronald Sapa Tlau chuan a hawng a, an vawiin Team 29 telin heng zinga Team 7 hi khawchhung a mi niin a dang Team 22 hi khual atanga tel an ni.
Comments
Post a Comment