Kawng siamtha mek zel

Mizoram chak lakna Kolasib District pal-tlangtu National Highway kawngpui NHIDCL enkawl chin chu a siam hna chak taka thawh mek niin, Killometre 48-a thui Black top tawh a ni.

Kolasib  District chhunga National Highway kawngpui siam that hna thawh mek hi hmun thum-ah thawh a ni a; NHIDCL Contractor, Balaji Construction chuan Vairengte leh Bilkhawthlir inkar chu KM 20 vel Blacktop zo tawhin, Kolasib leh Kawnpui inkar pawh Kilometre 17-a thui Black top tawh a ni a; Khamrang leh Buichali inkar chu BR Goyal Infrastructure Pvt. Ltd. chuan thawkin, kilometre 11-a thui Black top a ni tawh bawk.

NHIDCL hnuaia tuna Kolasib District chhunga National Highway kawngpui siam mek hi a vaiin kilometre 65.7-a thui a ni a, Blacktop hmabak hi a vaiin kilometre 17.7 vel ala awm a, NHIDCL hotute chuan tun thla chhung hian Blacktop hi thawh zawh hman ngei an tum tih an sawi.

Hetihlai hian Mizoram PWD enkawlna hnuaia la awm, Kawnpui leh Khamrang inkar Kilometre 15-a thui bakah Bilkhawthlir leh Kolasib inkar kilometre 25-a thui te chu tun thla chhungin siamthat hna thawh hman a rinawm loh thung nia thudawn a ni,