April thla a inbiak rawt

Zonuna Kawlni /

Ramri buai chungchangah Mizoram leh Assam sawrkar Official-te chu thla thar April thla chawhma lamah inbe tura rawt a ni. Home Department hotute'n Akashvani Aizawl an hrilh danin Assam Official-te'n March thla tawp lama inbiak an rawtna chu ngaihtuah a ni a. Amaherawh chu sawrkar tangka kum tawp dawn hnaih a nih tawh avangin remchang lovah ngaiin April thla chawlhkar hmasa ber emaw, chawlhkar hnihna-ah emaw inbiak nise tiin rawtna an siam niin an sawi a. A hun leh ni tak tur chu la tihchian leh tur a ni thu an sawi bawk. Official-te inbiakna tur hi Assam sawrkarin Guwahati khawpui-ah a thleng dawn a ni.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »