VC thar leh VC House thar hlanna hun hmang

New Serchhip North Village Council Member thar te hlanna leh VC House thar hlanna hun chu nimin khan hman a ni.
New Serchhip North VC House (Panchayat Bhawan) hlanna leh tun tum Village Council Inthlanpui neih zawh taka New Serchhip North VC-a thlan thar te hlanna hun hi niminchawhnu dar 1:30 khan neih niin New Serchhip North VC President RL. Chhuanawma chuan he hun hi a kaihruai a, BCM New Ser-chhip Bialtu Pastor, Rev. K. Lalhnehliana chuan Hunserh hmangin VC Member thar te leh VC House thar Pathian hnena hlanna hun a hmang a, hemi hnu hian kalkhawmte atangin thusawi hrang hrang ngaihthlak a ni bawk.

Nimin-a he hun hman ah hian New Ser-chhip North VC huamchhunga Kohhran leh NGO hrang hrang aiawhte an tel a, khawtlang tana hmalakna tura an ngaih pawimawh hrang hrangte sawiin, VC Vice President H. Laleng-zauva chuan lawmthu sawina hun a hmang bawk a ni. New Serchhip North VC-ah hian VC seat 7 awmin tun thla ni 12-a VC Inthlanpui neih ah khan ZPM Candidate mi 7 te thlantlin an ni.