Union Minister rawn zin

Union Minister of State for Micro, Small and Medium Enterprises Shobha Karandlaje chuan zan khat riaka ‘Conference/Workshop on Union Budget 2025-2026’ hmanpui turin nimin khan Aizawl a rawn thleng a, BJP Mizoram ten nimin tlai-a Union Budget zirhona an buatsaih chu Hotel Regency Conference Hall-ah a hmanpui nghal a ni. Union Minister Shobha Karandlaje chuan India ram chu kum 2047-ah khawvel a ram chang-kang leh hmasawn berte zingah hlankai ngei a nih theihna turin kum 2014 atanga awmze nei a Union Budget hi siam thin a nih thu a sawi a ni.