Party ten VC Candidate tur an tifel chho tan mek

Serchhip khawpui chhung Village Council hrang hranga an Candidate tur tihfel tumin Political Party ten hma an la mek.

Thla thar February ni 12-ah Village Council Inthlanpui neih tura puan a nih tak avang leh tun thla ni 23 thlengin inthlan chuh tumte tana hming pekluh theih a nih avangin Serchhip-a Political Party hrang hrang te chuan an Candidate tur an buaipui mek a. Rorellai ZPM party chuan Vawiin hian Meeting an neih dawn thu LENKAWL hrilhin hetah hian Candidate tur an ngaihtuah dawn thu leh engemaw chen tihfel an beisei thu an sawi a. MNF party chuan VC hrang hranga an Candidate tur hi an tefel thuak tawk tih LENKAWL hrilhin tunkar Nilaini-ah Candidate puanna hun hi Serchhip Venglai-a Mizo Hnam Run-ah neih an tum thu an sawi bawk a ni.

Congress Party pawhin an Candidate tur hi an tifel chho mek tih LENKAWL hrilhin hun a chep deuh avangin a hrana Candidate puanna erawh neih an tum loh thu an sawi a, tunkar Nilaini khian an Candidate turte chuan Nomination paper thehlutin hemi ni chawhnu lam ah heng an Candidate te hi kohkhawm an tum zawk thu an sawi bawk a. Party thawkdun tur an awm dawn lo niin a lang rih a ni.