Padma Shri dawng dawn

Ministry of Home Affairs chuan India rama Civil mite chawimawina Padma Award dawng thei tur mi hrang hrang hming a puang a, heng zingah chuan Mizo pa R. Lalrawna pawh a tel a ni. Padma Award chi thum dawng turte hming hi Inrinni tlai khan tihchhuah a ni a, kumin hian Padma Vibhushan dawng turin mi 7, Padma Bhushan dawng turin mi 19 leh Padma Shri dawng turin mi 113 thlan an ni a, Mizoram atanga he chawi-mawina dawng tura thlan R. Lalrawna hi Literature and Education huang-a dawng tura thlan niin Mizo zingah Mizo thu leh hla tih hmasawnna tura thawh hlawk tak a ni a, chawimawina chi hrang hrang lo dawng tawhin nikum 2024 pawh khan Bhasan Samman award (Sahitya Akademi) a dawng tawh a ni.