International Trade Fair-ah Agriculture Minister telin NBOAR hmun a tlawh nghal bawk

January 23-25, 2025 chhunga Bangalore-a International Trade Fair neih chu Agriculture Minister PC. Vanlalruata chuan hmanpuiin he hunah hian Organic (Chemical Fertilizer tello) thlai hmanga eitur chi hrang hrang siamchhuahte phochhuah a nih bakah Buhtun (Millet) chawilarna tur campaign neih a ni bawk.

Agriculture Minister chuan Mizorama Vaimin eichhetu rannung (Fall Army Worm) tirem tura Mizoram Sawrkarin a rawih Indian Council of Agriculture Resource hnuaia National Bureau of Agriculture Insect Resources hmunpui a tlawh nghal bawk a, Mizoram-a lo neituten harsatna an tawh thin Sawhthing tam leh Serthlum bawmtu leh eichhetu rannung Thlangdar zirchiang turin a sawm a, NBOAR hotute hian an ngaihvenin, chona phurawm takah an ngai a, hun remchang hmasa bera Mizoram loneitute harsatna zirchiang tura lo kal ngei an tum thu Minister hi an hrilh a ni.

National Bureau of Agriculture Resources hotute hi Khuai khawi chungchang pawh sawipuiin, Mizoram-ah Khuai mi zuk thei lo (Stingless Bee) khawi pun dan tur leh a nursery siama eizawnna tlaka kalpui theihna tur Project tha tak duanga Mizoram Sawrkar nen thawhdun dan tur a sawipui bawk a. Mi zuk thei lo Khuai (Stingless Bee) hi a zu a to hle a, hei mai bakah hian thlai chi putdarh kawngah leh thlai inthlahpunna ah an tangkai hle bawk a ni.