Hnam tobul dik tak chhui chhuah a pawimawh tih sawi

Chief Minister Lalduhoma’n Zofate chawr chhuahna sawi in ang lo tak tak karah, hnam tobul dik tak chhui chhuah a pawimawh tih a sawi.

Dr. Selbuanga Foundation (Sel Foundation) te bultuma mithiam pali te’n an zirchianna behchhana an ziak ‘Mizo History leh Sailo Lal Ropuite: Vandula leh Ropuiliani’ tih chu Inrinni khan Chief Minister chuan Aijal Club-ah a tlangzarh a. He hunah hian Chief Minister chuan Hnam tobul chhuichhuah ngaih pawimawh a tul thu sawiin, Zofate chawrchhuahna dik tak chhuichhuak turin sawrkarin hmalak a tum tih a sawi a. Hetah hian mithiam Team dinin hmun hrang hrang atanga Mizo history zir-a lakkhawm a tul a, hemi tur hian ruahmanna kalpui a nih thu a sawi a ni. Chief Minister chuan Mizo thlahtute chungchang sawi dan hrang hrang awm thin chu zirbingna mumal tak nen khawi atanga lokal nge an nih tih chu pawm dan inang neih a ngai tih a sawi bawk.

He lehkhabu hi MZU-a zirchhuak tawh leh thawktute ziah niin rin thu ni lo a zirbingna nen thlapa hnam thil chhui-a ziah a pawimawh thu a chhuahtu te chuan an sawi a ni.