Farkawn Water Supply Scheme (Solar Pumping) tlawh

East Tuipui Bialtu MLA Ramthanmawia chuan Farkawn Water Supply Scheme (Solar Pump) hna thawh mek chu niminpiah kkhan a hmunah kalin a tlawh a, an hnathawh dan te a enpui.

NABARD RIDF XXVIII hnuai atang thawh Farkawn Water Supply Scheme (Solar Pump) hi cheng vbc. 15 senga thawh niin Tiau tui pump tur a ni a. He hna hi Exelsoirs Merchants ten thawkin Stage 5-a Tui pump tur niin nitin Tui litres nuai 4 a pump thei dawn a ni. Tunah hian hna thawh tur zaa 85 vel thawh zawh tawh niin kumin March thla ah zo hman tura ruahman a ni a, Champhai WATSAN Circle hnuaiah Champhai WATSAN Division leh Khawbung WATSAN Sub-Division ten an enkawl a ni.

He hunah hian MLA chuan Ramngaw chereu zel ah harsatna kan tawh langsar tak chu kan tuilak hnar kang chho zel hi a nih thu a sawi a, “Tunhmaa Gravity a tui lak kan kham khawp viau thin kha tunah chuan tui haw tur a awm mumal ta lova. Ka bial khaw hrang hrang te pawhin tui ah harsatna kan tawk nasa em em a. Kan bial chhung hmundang te chu JJM in cover in tui hnianghnar pek mek leh thawh mek te an ni a. Farkawn bik hi JJM hmanga tuilak te an kham khawp loh avangin tui an harsa em em a. JJM hmangin Cover theih a ni tawh si lova. Fund dang remchang zawngin theihtawp kan chhuah a. Sawrkar hmasa hunlai khan Sawrkar duhsakna changin NABARD RIDF XXVIII atangin fund kan hmu thei ta hlauh mai a, Kan lawm takzet a ni,” a ti bawk.