Beiseina In-ah Chawlhbuk hawng

The Salvation Army enkawl, Mizoram-a kum upa te enkawlna In hmasa ber, Beiseina In (Old Age Home), New Serchhip-a Senior Club Mizoram in Chawlhbuk an sak chu Inrinni khan hawnna neiin Pathian hnenah hlan a ni.

Chawlhbuk hawnna hun hi Home Superintendent Captain Lalawlsangi chuan kaihruaiin Territorial Headquarters, Secretary for Business Administration, Lt. Col. Lalhriatpuia chuan a hawng a, he Home hi mi 8 awm theihna niin mi 6 enkawl mek an ni a, thawktu mi 4 an awm mek bawk a ni.

Chawlhbuk hawnna hunah hian Home Superintendent Captain Lalawlsangi chuan, Salvation Army ten kum lama upate enkawlna hmun Old Age Home an din dan leh kum lama upate hmangaihna nena enkawl pawimawh zia te sawiin, an mamawh em em leh upate thut hahdamna leh khawthlirna tha tak Senior Club Mizoram in an sak sak chu an lawm thu a sawi a. Senior Club Mizoram-a President C. Dinthanga chuan Mizoram-ah Upa Pawl tha tak nei mah ila, Senior Club Mizoram chuan Upa Pawl in an kutken vek remchang lo tan thil tha tam tak an tih thin thu a saw bawk a ni.