Zangnadawmna pek thuai phut

Lawngtlai District Land Owners' Association chuan kumin chhung ngeia zangnadawmna pe turin thuneitute an ngen nawn a, kawng chhelai helna siam tumna awm chu natakin an dodal thu an sawi bawk.

KMMTTP hnuaia Lawngtlai atanga Myanmar pawha kawngpui sial, Multi Modal kawngpui tia hriatlar, National Highway 502 'A' a ram neitu intelkhawmte chuan Anti-Corruption Beureu in an ram pass te ngun taka a chhuichian hnuah High Court in ram neitu dik tak mi 138 te chu zangnadawmna pek theih a nih thu a tihchian hnuah pawh Vawiin thlenga zangnadawmna an hmulo chu engti kawng maha ngaihthiam theih a nihloh thu an sawi nawn a, nikum 2023 August thla atang khan helai kawngpui thawmthat an remtih loh chu an dinna a al nih thu an sawi a ni.

Ram neitute hi nimin khan Multi Modal kawngpuiah pungkhawmin hnathawh tum ABCI te chu thil awmdan an hrilhfiah hnuah Company lam hi an khawl te nen an let a, ram neitu lungawi lote chuan kawng sialtlang an remtihloh avanga mipui tawrhna ah ngaihhnathiam an dil rualin, an dinhmun hriatthiampui turin mipui an ngen thu an sawi bawk.