NH. 108 siamthat tum a ni

PWD thuneituten tunkar Ningani hma ngeiin Mamit District-a National Highway 108 kawngpui chhe zual lai siam that a ni dawn tih an sawi. Mamit a tlawmngai pawl hrang hrang tel All NGO te, VC, MJA leh Political Party Co-Ordination Committee chuan an District chhunga kawngpui chhia chungchangah nimin khan PWD Minister Vanlalhlana chu a Pisa-ah an hmu a, PWD Engineer-in-Chief leh Chief Engineer PWD (NH) te pawh hmuin, National Highway 108 leh National Highway 6 kawng chhe lutuk chungchang an sawipui bakah National Highway 108 chungchang ah siam that vat a nih loh chuan tun thla ni 20 atangin lungawi lohna lantir an tum thu te an thlen a, PWD hotute chuan tunkar Ningani atangin a chhe zual lai siam that hna an thawh tan ngei tur thu an hrilh a ni.