Serchhip District-a Vawk hri, African Swine Fever (ASF) leng chu ziaawm viau tawh mah se Vawk thi erawh ala awm belh zel a, nimin khan New Serchhip South-ah Vawk thi pahnih awmin Baktawng khua ah Vawk pakhat a thi bawk a, Vawk suat erawh a awm belh lo a ni. Mizoram hmundangah nimin khan Vawk thi pakhat chhin-chhiah belh awmin Vawk suat erawh a awm lo bawk a ni. Heti hian kumin chhungin Mizoram-ah ASF vanga Vawk thi 14,693 a tling ta a, Vawk 23,937 suat ni tawh bawkin khua leh Veng 255-ah ASF hri hi a leng tawh a, hri leng hian ziaawm lam a pan ve zel niin a lang a ni.
