Mobile Tower chungchanga thu sawi ring lo turin chah

Information & Communication Technology (ICT) Department a Chief Informatics Officer (CIO) Dr. Lalthlamuana chuan mi tlemte in ‘Mobile Tower in Cancer natna a thlen thei’ ti a proof awm lova an sawi thin avangin mipui tam tak a ti chi ai thin tih sawiin, heng thu belhchian dawllo hi mipuite chu ringlo turin a chah.

Information & Communication Technology (ICT) Department leh Telecom Service Provider (TSP) leh Aizawl Veng thenkhata Local Council ten niminpiah-a Mobile Tower chungchang leh mipuite harsatna chungchang an sawihona ah CIO chuan mi tlemte in ‘Mobile Tower in Cancer natna a thlen thei’ ti a proof awm lova an sawi thin avangin mipui tam tak a ti chi ai thin tih sawiin, heng thu belhchian dawllo hi mipuite chu ringlo turin a chah a. World Health Organization (WHO) leh Organization rintlak tak tak te pawhin Research tam tak an bei tawh a, a inlaichinna an la hmu lo tih a sawi a. India ramah hian Sap ram te ai daihin Mobile Tower siam danah hian an strick zawk tih sawiin, chu mai bakah Telecom Regulatory Authority of India (TRAI) te hian Mobile tower te hi a khat tawkin an check ve reng thin tih a sawi bawk.

Chief Informatics Officer (CIO), ICT Department chuan tunlai khawvel ah chuan Mobile tel lovin kan awm theih tawh loh thu leh engkim mai, lei leh hralh, fee leh bill pek, sawrkar dawr leh a dangte chu kan Mobile kaltlanga tih a nih tawh thu a sawi a. Hei vang hian ICT Department chuan mitin ten Mobile Signal tha kan nei theih a duh thu leh, TSP te pawh theihtawpin an service tichak turin a nawr reng thin tih a sawi a. “Mobile signal tha tur chuan Mobile tower kan neih tam a ngai a, TSP ten Tower dahna tur an van thin mai bakah thenawm khawveng atanga harsatna a awm thin avangin Mobile Tower/Pole dahna tur hmun an van thin thu a sawi bawk a ni.