Luidung humhalh ah hnatlang

Serchhip Dinthar Branch YMA te chuan Mat lui an humhalh-ah nimin khan hnatlang neiin luidung te an tihfai bakah an luidung humhalh chin chhinchhiahna te an tar thar leh a. Serchhip Dinthar Branch YMA te hian Mat lui Chawmkai-a Lei atangin lui mawng lam meter 880-a thui, Zangena kai thlengin an humhalh a, an humhalh chin ah hian luidung nungcha reng reng eng hmanrua maha man an phal loh bakah luidung-a Balu leh GSB te pawh lak khapin kum engemaw chen chu hetiang hian hma an lo la tawh a ni.