Oil Palm-a harsatna sawiho

Mamit District chhung khaw hrang hrang Oil Palm ching Association hruaitute chu nimin khan Darlak Agriculture IB-ah inhmukhawmin Oil Palm rah sengkhawm a phurhchhuah kawnga harsatna an neih te an sawiho a. Kumin 2024 August thla chhunga Oil Palm rah an lawhsa a phurchhuahna kawng a pin avanga an hralhthei lo chu kuthnathawktute tan channa nasa tak a nih thu sawiin, Oil Palm hmin tam tak a kunga la awm mek a hmin nasat avanga tla ral mai mai te an ui thu an sawi bawk. He huna kalkhawmte hian Oil Palm rah lawhsa a phurchhuahna kawng a pin a vanga sum leh pai tam tak an chan avangin sawrkarin kuthnathawktute tawrhna hriatpuia zangnadawmna ngaihtuah sak turin ngen nise an ti a. Mamit District-a Oil Palm chingtuten an Oil Palm rah phurna kawng NH-108 ping mek chu a rang thei ang berin sawrkar in sial that sak se an duh thu an sawi bawk.