MNF Thalai in kawng an siam

 MNF Thalai, Mizo National Youth Front (MNYF) bultumin nimin khan Aizawl khawpui chhunga motor kawng chhe lutuk thawmthat hnatlang neih a ni a, he hun hi MNF Treasurer Lalruatkima chuan telpuiin, “MNF sawrkar khan kawng nasa takin a siam thin a, kan kawng pawh a tha thin. Hun a lokal deuh a, Traffic heavy lutuk avangin kan kawng siamte chu kumtin danin repair a ngai thin a ni,” tiin ZPM chu midang kawng siam sa pawh repair thei lo ah a puh bawk.

Hetihlai hian ZPM Thalaite chuan nimin khan thuchhuah siamin kum 20 chuang Mizoram-a sawrkarna fawng lo chelh tawhtu MNF Thalai te'n an sawrkar chhunga an sulhnu bâl leh pawr tak tak thenfai ngai leh siamthat ngai, hmasawnna hnathawh ngai tam tak, kum kha leh chen an lo ensan tawh te Opposition an veleha hrechhuak thar a, a kum-a kum hmalak ngaihna hrelo a an lo ensan te kum khat ém pawh la sawrkar lo ZPM, mipui sawrkar thawhzawh faitir nghal vek an tum chu mahni mawng hlimna niin an tarlang thung.