Kumin ah naupiang 284 leh mitthi 239 chhinchhiah tawh

Serchhip District-ah kumin January thla atanga August thla tawp thleng khan naupiang 284 te chhinchhiah a nih laiin mitthi chhinchhiah 239 an awm bawk.
District Research Officer (DRO) Office, Serchhip atanga LENKAWL in thu a dawn danin  kumin kumtir atanga August thla tawp thlenga Serchhip District-a naupiang chhinchhiah 284 zinga 143 te hi Mipa an nih laiin hmeichhe piang 141 an awm bawk a, thingtlang aiin khaw-pui-ah naupiang tam zawkin khawpui-ah mipa 96 leh hmeichhia 109, an vaiin 205 an piang a, thingtlang ah mipa 47 leh hmeichhia 32, an vaiin mi 79 an piang bawk a. Birth Rate chu 3.40 a ni.

Kumin chhunga August thla tawp thlenga Serchhip District chhunga mitthi chhinchhiah te zingah Hmeichhia aiin mipa an tam zawk a, hemi hun chhunga mitthi chhinchhiah 239 zinga 153 te chu mipa an nih laiin hmeichhe thi 86 an awm a, khawpui huamchhungah mipa thi 85 leh hmei-chhe thi 40, an vaiin mi 125 thiin thingtlang-ah mipa 68 leh hmeichhia 46, an vaiin mi 114 an thi nia chhinchhiah a ni bawk a. Hemi hun chhunga Death Rate chu 2.86 a ni a. Kumin hian Jaanuary thla atanga August thla tawp thleng khan mitthi aiin naupiang hi 45 in an tam zawk a ni.

Chhinchhiahna atanga a lan danin hemi hun chhung vek hian nausen thi sa-a piang pakhat awmin kum khat hnuailam nausen thi pahnih an awm a, naupang kum khat chunglam leh kum 5 hnuailam thi pakhat a awm bawk a. Infant Mortality Rate (IMR) chu 3.52 a ni bawk.