Serchhip District-a SDO (C) leh RD Block-ah I-Day hmang

Zonuna Kawlni /

Serchhip District-a  SDO (Civil) thuthmun leh RD Block thuthmun ah te nimin khan India Independence Day hman a ni.
 Serchhip District-a SDO (Civil) thuthmun North Vanlaiphai khua ah chuan NGO hrang hrang ten sawrkar-a an thilphut tih hlawhtlin ngiatin Independence Day hi boycott mah se North Vanlaiphai SDO (Civil) Peter Malsawmtluanga hovin zingkar-ah he ni pual hian hun hman a ni a, NGO hrang hrangte hian he ni hmanna a kal turte chu zing dar 6:30 atangin dan tumin Duty mah se hemi hmalam hian SDO (Civil) Peter Malsawmtluanga hian Hnam Puanzar a pawtparh a, he hunah hian SDO (C) Office-a thawktute leh Police te an tel a ni.

North Vanlaiphai-a NGO hrang hrang te hian thlaktu awm lova North Vanlaiphai Govt. H/S Headmaster leh North Vanlaiphai damdawi In a AYUSH Doctor sawnchhuah te thlaktu tur dah ngiatin Independence Day hi boycott an lo rel tawh a ni.


Thenzawl-ah pawh SDO (Civil) K. Lal-hlimpuia hovin SDO (Civil) Office Tual-ah nimin zing khan Independence Day hi hman a ni bawk a, SDO (Civil) K. Lalhlimpuia chuan India Hnam Puanzar pawtparhin Police Training School (PTS) Thenzawl-a Police ten Chibai an buk chu a chhanglet a, sawrkar hmalakna hrang hrangte a tarlan bakah zalenna hlut zia leh vawnhim zel a pawimawh thu te a sawi bawk a ni. He hunah hian Thenzawl a sawrkar Department hrang hranga thawktute leh khawtlang hruaitute an tel bawk a ni.

Serchhip District-a RD Block thuthmun East Lungdar-ah pawh India Independence Day hi hman a ni bawk a, East Lungdar BDO hna chelh mektu Peter Malsawmtluanga chuan East Lungdar BDO Complex-ah Hnam Puanzar a pawtparh a, he hunah hian sawrkar hnathawk leh zirlaite bakah khawtlang hruaitute an tel a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »