Kolasib District-a Bank te hmalakna thlirho

Kolasib District chhunga Bank hrang hrangte hmalakna leh an hnathawh te thlirin Kolasib District Consultative Committee (DCC) leh District Level Review Committee (DLRC) chu nimin khan an Chairman leh Bawrhsap Robert C. Lalhmangaiha hovin an thukhawm.

He hunah hian an District-a mi 2000 aia tlem chenna khua 23-ah Business Correspondents dah a nih thu leh khaw 6-ah IPPB BC dah a nih thute tarlan a ni a, Financial Inclusion Plan hnuaiah Kolasib District chhunga mihring 2,000 aia tlem chenna khaw 29 te chu Bank hrang hrangte'n chan insemin, Bank kaltlanga hamthatna hrang hrang an chhawr ve theih nan hmalakna kalpui a nih thu tarlan a ni a. Vantlang mipuitena KCC leh Agriculture Scheme an chhawr tangkai theihna turin Line Department hrang hrang te nena thawhho dan tur sawiho a ni a. CD Ratio chu 70.69% niin hei hi CD Ratio ni tura bituk aia a san thu tarlan a ni bawk.

Nimin vek khan Lunglei-ah pawh District Bawrhsap R. Lalthazuala hovin DCC, DLRC leh DLSC thutkhawm neih a ni a, Bawrhsap chuan Banker-te chu mipui rawngbawl an nih hre reng tur leh mipuite'n bank kaltlanga hamthatna scheme hrang hrang te chiang taka an hriat theih nan Financial Literacy Campaign pawh uar zual turin a chah bawk.